PAISAXE 0

04/03/2023

?Paisaxe 0? reune a 24 artistas na Galería METRO

O colectivo artístico Poligonal, formado polos artistas Olmo Blanco e Lúa Gándara, tamén comisarios desta mostra, ábrenos un escenario de reflexión en torno á paisaxe a través da mirada de 25 artistas convidados que nos mostrarán diferentes formas de representar o territorio, poñendo así este tema en valor e dando difusión ao gran número de artistas contemporáneos que traballan ao redor desta temática.

Esta mostra é a presentación dun colectivo que nace coa intención de analizar o contexto artístico que se ocupa da paisaxe galega, centrándose especialmente na actualidade e na historia recente. Os seus membros entenden a paisaxe como un espello que reflicte o que somos, en transformación contínua do mesmo xeito que as transformacións sociais, económicas e culturais. Así, entre os seus obxectivos está servir de plataforma que promova a análise, a creación e a difusión dos traballos artísticos relacionados coa paisaxe galega.

?Paisaxe 0? é unha exposición de pintura, fotografía e escultura que conta coa participación de Tono Arias, Haia Blanco, M. Blanco, Andrés Dearca, Kathleen Day, Luís Díaz Díaz, Xurxo Durán, Yasmina Farhani Luaces, Yoseba M.P., Maz, María Meijide, Joan Morera, Doa Oa, Pablo Orza, Mateo Pérez, David Quinteiro, Catase Rego, Yolanda Ríos Coello, Andrés Rivas, Fran Rodríguez Casal, J.L. Seara, Edu Valiña, Diego Vites e Sabela Zamudio.